Ek Shayar Ki Kalam Se..

1. Aaj phir unki yaad aai,

Aaj phir humne puri raat karvatein lekar bitaai

Aaj phir se humne puri raat tanhai mai bitaai

Aaj phirse unki yaad aai

Aaj phirse unki safed kameez humein ek mez pe nazar aai

Aaj phirse uss kamre mai se unke itr ki khushboo aai

Humne ek aur raat unke intezaar mai bitaai

Aaj phirse unki yaad aai

2. Aaj humne ateet ke panne aise khole

Ke hum apne aaj ko bhul gaye

Hum usse yaad karne mai

Itne masruf ho gaye

Ke jo hamare saath betha tha usse bhool gaye

Hum bilkul Amrita ke tarah Sahir ki yaad mai

Itna kho gaye Ke

Imroz ko bhool gaye.

3. Tumhari aankhon ke muqable iss duniya ke har

khoobsurat manzar ki khoobsurati pheeki pad jaati hai

Kyuki tumhari aankhon ke khubsoorati ke geet

khud jannat ki apsaraain gaati hai.